फाप्ला: धनगढीमा जारी अर्जुन ट्रफी राष्ट्रिय क्रिकेट प्रतियोगिताका सेमिफाइनलका खेलहरू आजदेखि हुँदैछन् ।
फाप्ला क्रिकेट मैदानमा आज दिउँसो सवा १२ बजे हुने पहिलाे सेमिफाइनल खेलमा फ्रेन्ड्स युथ क्लब डडेल्धुरा र न्यू होराईजन बुटबलबीच प्रतिस्पर्धा हुनेछ।
डडेल्धुरा समूह ए काे विजेताकाे रूपमा सेमिफाइनल पुगेकाे हाे भने बुटवल समूह बी काे उपविजेता बनेर अन्तिम चारमा पुगेको हाे।
त्यस्तै दोस्रो सेमिफाइनल खेलमा सिवाईसी अत्तरिया र डिसिए धनगढी बिच भोलि (माघ २७ गते) हुने छ ।
गो ड्रिमर्सको आयोजना तथा नेपाल क्रिकेट संघको वार्षिक क्यालेण्डरअनुसार भइरहेको प्रतियोगिता माघ २८ गतेसम्म सञ्चालन हुनेछ ।
प्रतियोगिताको विजेताले नगद १० लाख र उपविजेताले नगद पाँच लाखसहित ट्रफी पाउनेछन् । प्रतियोगिताको सर्वोकृष्ट खेलाडीलाई नगद एक लाख प्रदान गरिनेछ ।
उत्कृष्ट ब्याट्सम्यान, उत्कृष्ट बलर र उदयमान खेलाडीले जनही ५०–५० हजार पाउनेछन् ।
