फाप्ला:काेशी प्रदेशले प्रधानमन्त्री कप महिला राष्ट्रिय टी-२० क्रिकेट प्रतियोगितामा लगातार दाेस्राे जित निकालेको छ।
पहिलाे खेलमा बागमती प्रदेशलाई हराएकाे काेशीले आज दाेस्राे खेलमा मधेश प्रदेशमाथि ४७ रनको जित निकाल्याे ।
लगातार दाेस्राे जित निकालेकाे समूह बी मा रहेकाे काेशी ४ अंकका साथ तालिकाकाे शिर्ष स्थानमा पनि उक्लिएकाे छ।
धनगढीस्थित फाप्ला मैदानमा आज भएको दाेस्राे खेलमा काेशीले दिएकाे १०७ रनकाे लक्ष्य पछ्याएकाे मधेशले निर्धारित २० ओभरमा ९ विकेटको क्षतिमा ५९ रन मात्रै बनाउन सक्याे।
जसमा प्रतिमा शाहले सर्वाधिक १७ रन जाेडेपनि अन्य ब्याटरले दाेहाेराे अंकमा रन समेत जाेड्न सकेनन् ।
काेशीका लागि कप्तान रूविना क्षेत्रीले ३,अलिशा खडिया र ज्याेती दनुवारले २/२ विकेट हात पारिन्।
यसअघि टस जितेर पहिला ब्याटिङ गरेकाे काेशीले २० ओभरमा ५ विकेटको क्षतिमा १०६ रन बनायाे ।
जसमा कप्तान रूविना क्षेत्रीले अर्धशतकीय पारी खेल्दै ५७ र टिका शाहले २१ रन बनाइन्।
बलिङमा मधेसका लागि प्रतिमा शाहले २ विकेट हात पारिन्।
काेशीकी कप्तान रूविना प्लेयर अफ द म्याच भइन्।
आजै भएकाे अर्काे खेलमा बागमतीले त्रिभुवन आर्मी क्लबलाई १४ रनले हराएको थियाे।
