फाप्ला:प्रधानमन्त्री कप टी-२० महिला राष्ट्रिय क्रिकेट प्रतियोगिता अन्तरगत आजदेखि समूह बी का खेलहरू सुरू भएकाे छ।
पहिलाे खेलमा बागमती प्रदेशलाई १० रनले हराउदै काेशी प्रदेशले सुखद सुरूवात गरेकाे छ।
खराब माैसमका कारण खेल १३ ओभरमा छाेट्याएकाे थियाे।
जितका लागि पाएकाे ६४ रनकाे लक्ष्य पछ्याउने क्रममा बागमती १२.१ ओभरमा ५३ रनमा अलआउट भयाे।
जसका सविका यादवले २० र विपिशा शाहीले अविजित १२ रन बनाएपनि टाेलिलाई जिताउन सकेनन् ।
काेशीका लागि कप्तान रूविना क्षेत्री,ज्याेती दनुवार र संगिता राईले २/२ विकेट हात पारे।
यसअघि फाप्ला क्रिकेट मैदानमा टस हारेर ब्याटिङकाे निम्ता पाएकाे काेशीले निर्धारित १३ ओभरमा ७ विकेटको क्षतिमा ६३ रन बनायाे ।
उसका विमला मलाहाले अविजित १९ र कप्तान रूविना क्षेत्रीले १५ रन जाेडिन्।
बागमतीका लागि मनिशा उपाध्यायले ह्याट्रिकसहित ४ विकेट हात पारिन्। मनिशा जारी प्रतियोगितामा ह्याट्रिक गर्ने पहिलाे खेलाडी समेत बनिन् ।
काेशीकी कप्तान रूविना प्लेयर अफ द म्याच चुनिईन्।
समूह ए बाट एपिएफ र सुदूरपश्चिम सुपर फाेरमा सुरक्षित भइसकेका छन्।
माघ १ गतेदेखि सुरू भएको प्रतियोगितामा ९ टाेलीकाे सहभागीता रहेकाे छ।
प्रतियोगिताकाे उपाधि जित्नेले ५ लाख, दाेस्राे हुनेले ३ लाख, प्लेयर अफ द सिरिजलाई ५० हजार, बेस्ट ब्याटर र बेस्ट बलरलाई २५/२५ हजार पुरस्कार दिइनेछ ।
