काठमाडौं:
कञ्चनपुरको महेन्द्रनगरबाट काठमाडौंका लागि हिडेको महाकाली यातायातकाे यात्रुबाहक बस चितवनकाे भरतपुर–२९ घुमाउनेमा अनियन्त्रित भई पल्टिँदा १५ जना यात्रु घाइते भएका छन्।
बिहान सवा ७ बजेतिर नारायणघाट–मुग्लिन सडकको घुमाउनेमा बस डिभाइडरमा ठोक्किएको थियो।
शनिवार महेन्द्रनगरबाट काठमाण्डौंका लागि हिडेको सु.प्र.प्र.०२–००१ ख १३३२ नम्बरको बस दुर्घटनामा घाइते भएका मध्ये २ जनाको अवस्था गम्भीर रहेको डिएसपी भेषराज रिजालले जानकारी दिनुभयाे।
घाइतेहरू १५ जनालाई चितवन मेडिकल कलेजमा उपचारका लागि पुर्याइएको छ। दुर्घटनापछि सडक एकतर्फी सञ्चालन भइरहेको छ।
घाइतेहरुलाई उपचारको लागि भरतपुर लगिएको छ । बसमा आफैँ अनियन्त्रित भई सडकको डिभाइडरमा ठोक्किएर दुर्घटना भएको हो ।
सडक किनारमा लगाइएको बारले छेकेकाले बस त्रिशूली नदीमा खस्नबाट जोगिएको छ ।
