बैतडी: उदयदेव पाटन प्रिमियर लिग (युपिपिएल)-६ क्रिकेट प्रतियोगिता आजदेखि सुरू भएको छ । पाटन-६ स्थित कृष्ण माविको खेलमैदानमा प्रतियोगिता सुरु भएको प्रतियोगिताकाे उद्घाटन पाटन नगरपालिकाकाका प्रमुख गाैरीसिंह रावलले गर्नुभयो ।
उद्घाटनपशपश्चा आज दुई वटा खेल सम्पन्न भएका छन् ।
पहिलो खेलमा पत्ताल भुवनेश्वरले बनारसी क्रिकेट क्लबलाई हरायो ।
पत्ताल भुवनेश्वरसामु टस हारेर ब्याटिङको निम्तो पाएको बनारसीले निर्धारित १५ ओभरमा ८ विकेट गुमाएर १०१ रन बनायो । बनारसीका भुपेश बोहराले ३४ रन हिर्काए ।
पत्ताल भुवनेश्वरका ग्यानेन्द्र बिष्टले दुई विकेट लिए ।
१०२ रनको लक्ष्य पछ्यएएको पत्तालभुवनेश्वरले १३ ओभर ८ विकेट गुमाएर लक्ष्य भेट्टाएयो ।
पत्ताल भुवनेश्वरका बिक्रम बोहराले ३६ रनको विजयी इनिङ खेले । उनी नै म्यान अफ द म्याच चुनिए ।
अर्काे खेलमा पाटन स्टार विजयी भएको छ । टस जितेर पहिले व्याटिङ् रोजेको पाटनले निर्धारित १५ ओभरमा १३९ रन बनायो ।
पाटनका मुकेश चन्दले ६५ रनको अर्धसतकीय पारी खेले । नागार्जुनका कमलेस मातरले दुई विकेट लिए ।
१४० रनको लक्ष्य पाएको नार्गाजुनले निर्धारित १५ ओभरमा ७ विकेट गुमाएर १०० रन मात्रै बनाउन सक्यो । नागार्जुनका मुकेश चन्दले ४३ रनको योगदान गरे । पाटनका लखन थापाले ३ विकेट लिए ।
भोलिपनि दुई खेल हुनेछन् । भोलिको पहिलो खेल नागार्जुन सिम क्रीकेट क्लब र सुर्नया युनाइटेडबीच हुने छ । त्यसैगरी दोस्रो खेल कैलपाल उदयदेव युवा क्लब र पत्ताल भुवनेश्वर युवाक्लबबीच हुने छ ।
विजेता टोलीले १ लाख ५५ हजार ६६६ रुपैयाँ र उपविजेता टोलीले ५५ हजार ६६६ रुपैयाँ पुरस्कार प्राप्त गर्नेछन्। त्यस्तै, म्यान अफ द सिरिजलाई १३ हजार ६६६ रुपैयाँ प्रदान गरिनेछ।
गत संस्करणको उपाधि गुरूखाेलाले जितेको थियाे।
