काठमाडौं: काभा पुरुष भलिबल च्याम्पियनसिप आजदेखि पाकिस्तानमा सुरु भएको छ ।
उद्घाटन खेलमा नेपाल काजकस्तानसँग ३–२ को सेटमा पराजित भएको छ ।
काजकस्तानले पहिलो सेट २५–१९, दोस्रो सेट २५–२१ र पाँचौँ सेट १५–९ ले जित्यो । नेपालले तेस्रो सेट ३४–३२ र चौथो सेट २५–१९ ले जित्यो ।
यही साउन १३ गतेसम्म चल्ने प्रतियोगितामा आयोजक पाकिस्तानसहित नेपाल, कजाकस्तान, उज्वेकिस्तान, बङ्गलादेश र श्रीलङ्का सहभागी छन् । राउन्ड रोबिन लिगका आधारमा हुने प्रतियोगिताबाट उत्कृष्ट चार टोली सेमिफाइनलमा पुग्नेछन् ।
