बैतडी: बैतडीको पुर्चौडी नगरपालिकाका कार्यपालिका सदस्य ऐते लुहारको मृत्यु भएको छ ।
लामो समयदेखि दुबै मृगौलाको बिरामी रहेका लुहारको सेती अस्पतालमा उपचारको क्रममा ५५ वर्षको उमेरमा मृत्यु भएको पुर्चौडी भएकाे नगरप्रमुख दिपकबहादुर बमले बताउनुभयो ।
पुर्चौडी वडा नं. ३ न्वादेउ घर भएका लुहारको खुट्टामा समेत समस्या रहेको थियो ।
खुट्टाको समस्याका कारण लठ्ठीको सहाराले हिडडुल गर्ने गरिरहनुभएकाे थियाे ।
उहाँ २०७९ को निर्वाचन पछि नेपाली काङ्ग्रेसबाट कार्यपालिका सदस्यमा मनोनीत हुनुहुन्थ्याे ।
यसैबीच कार्यपालिका सदस्य लुहारकाे निधनपछि नगरपालिकामा शुक्रबार आज शाेक बिदा दिएकाे छ।
आज पुर्चाैडी नगरपालिका अन्तरगतका सबै कार्यालयमा बिदा रहने प्रमुख प्रशासकीय अधिकृत जगदीश प्रसाद जाेशीले जानकारी दिनुभयाे।
