बैतडी: प्रधानमन्त्री कप पुरूष एकदिवसीय राष्ट्रिय क्रिकेट प्रतियोगिताकाे सुदूरपश्चिम प्रदेशस्तरीय छनाैटमा कैलालीले सुखद सुरूआत गरेकाे छ।
सुखद सुरूआत गर्ने क्रममा कैलालीले कञ्चनपुरमाथि छ विकेटको जित निकाल्याे।
कञ्चनपुरले दिएकाे २०० रनकाे लक्ष्य कैलालीले ३२.२ ओभरमा ४ विकेटको क्षतिमा पूरा गर्याे।
जसमा टेक रावतले अर्धशतकीय पारी खेल्दै ७३ रन बनाए । टेक म्यान अफ द म्याच समेत चुनिए।
यस्तै आयुव चन्दले ४८ र वसन्तसिंह कार्कीले अविजित ३३ रनकाे याेगदान गरे।
बलिङमा कञ्चनपुरका मिलन बाेहरा र किरन चन्दले २/२ विकेट लिए।
यसअघि पहिला ब्याटिङ गरेकाे कञ्चनपुर ३९.२ ओभरमा १९९ रनमा समेटियाे।
उसका प्रकाश पाण्डेयले सर्वाधिक ४२ रन जाेडे।
कैलालीका कप्तान नारायण जाेशी र हर्क बस्नेतले ३/३ विकेट झारे।
सुदूरपश्चिम प्रादेशिक क्रिकेट संघकाे आयाेजनामा फागुन ११ देखि सुरू प्रतियोगिता फागुन २१ गते सम्पन्न हुनेछ।
