काठमाडौं: राष्ट्रिय स्वतन्त्र पार्टी रास्वपाका सभापति रवि लामिछाने सांसद पदबाट निलम्बित भएका छन् ।
संघीय संसद् सचिवालयले एक सूचना जारी गर्दै लामिछाने पदबाट निलम्बित भएको जानकारी गराएको हो ।
लामिछानेविरुद्ध सहकारी ठगी, सङ्गठित अपराध र सम्पत्ति शुद्धीकरणको मुद्दा दर्ता भएको छ ।
चितवन क्षेत्र नम्बर २ बाट निर्वाचन जितेका रवि यसअघि गृहमन्त्री समेत बनेका थिए ।
रविको सांसद पद निलम्बनमा परेपछि राष्ट्रिय स्वतन्त्र पार्टीले विरोध जनाएको छ ।
यसका साथै राष्ट्रिय स्वतन्त्र पार्टी रास्वपाले उपसभापति डीपी अर्याललाई कार्यबाहक सभापतिको जिम्मेवारी दिएको छ ।
आज बसेको सचिवालय बैठकले अर्याललाई कार्यबाहक सभापतिको जिम्मेवारी दिएको हो ।
