सुदूरपश्चिम: सुदूरपश्चिम प्रदेशले आज नयाँ मुख्यमन्त्री पाएको छ ।
नयाँ मुख्यमन्त्रीमा नेपाली कम्युनिष्ट पार्टी नेकपा संसदीय दलका नेता खगराज भट्ट नियुक्त हुनुभयो।
नेकपा एमालेको समर्थनमा भट्टले शुक्रबार बिहान प्रदेश प्रमुख नजिर मियाँसमक्ष मुख्यमन्त्रीका लागि दावी पेश गरेलगत्तै मियाँले भट्टलाई मुख्यमन्त्री पदमा नियुक्त गर्नुभयो ।
नवनियुक्त मुख्यमन्त्री भट्टले आज दिउँसो ३ बजे प्रदेश प्रमुख मियाँसमक्ष पद तथा गोपनीयताको शपथ लिने कार्यक्रम तय भएको छ।
शपथपछि आजै मन्त्रिपरिषद् गठन गर्ने तयारीसमेत गरिएको छ।
