बैतडी: बन्चरो प्रहारबाट बैतडीमा एक महिलाको हत्या भएको छ ।
जिल्लाको सिगास गाउँपालिका २ पेडेगोदाकी ३५ वर्षीया बेलमती धामीको बन्चरो प्रहारबाट हत्या भएको बैतडीका प्रहरी प्रवक्ता,प्रहरी निरीक्षक बलराम पाण्डेयले जानकारी दिनभयो ।
बेलमतीको आफ्नै भतिजा ३० वर्षीय नाता यज्ञसिंह धामीले गएराति १२ बजे घरमै सुतिरहेको अवस्थामा बन्चरो प्रहार गरी हत्या गरेको प्रहरीले जनाएको छ ।
हत्याको खबर प्राप्त भएपछि इलाका प्रहरी कार्यालय पाटनका प्रमुख,प्रहरी निरीक्षक राजेन्द्र साउँद नेतृत्वको टोली घटनास्थल पुगेको छ ।
हत्यामा संलग्न यज्ञसिंहलाई प्रहरीले नियन्त्रमा लिएको छ ।
बेलमतीको किन हत्या भयो भन्ने कुरा खुल्न सकेको छैन । घटनाबारे थप अनुसन्धान भइरहेको जिल्ला प्रहरी कार्यालय बैतडीले जनाएको छ ।
