बैतडी: बैतडीको सुर्नया नदीमा बगेर एक किशोरीको मृत्यु भएको छ ।
मृत्यु हुनेमा सुर्नया गाउँपालिका ५ मडकी १८ वर्षीया झर्ना दमाई रहेकी बैतडीका प्रहरी प्रवक्ता,प्रहरी निरीक्षक बलराम पाण्डेयले जानकारी दिनुभयो ।
शुक्रबार बजार जान्छु भनि घरबाट हिडेकी झर्ना सुर्नया नदीमा बगेर बेपत्ता भएकी थिइन् ।
त्यसपश्चात झर्नाको खोजीका लागि इलाका प्रहरी कार्यालय पाटनका प्रमुख,प्रहरी निरीक्षक राजेन्द्र साउँदको नेतृत्वको टोली परिचालन गरिएको थियो ।
उक्त टोलीले झर्नाको शव आज शनिबार पाटन नगरपालिका ६ औजेउडास्थित सुर्नया नदी किनारमा फेला पारेको हो ।
झर्ना कक्षा १० मा अध्ययनरत रहेकी बताइएको छ ।
घटनाबारे थप अनुसन्धान भइरहेको जिल्ला प्रहरी कार्यालय बैतडीले जनाएको छ ।
