बैतडी: दशौं राष्ट्रिय खेलकुद प्रतियोगिता अन्तरगत महिला क्रिकेटको सुदूरपश्चिम छनाैट माघ २९ गतेदेखि हुने भएकाे छ।
कैलालीको धनगढीस्थित कैलाली गाउँकाे खेलमैदानमा हुने प्रतियोगितामा प्रदेशका ७ टाेलीकाे सहभागीता रहने सुदूरपश्चिम प्रादेशिक क्रिकेट संघका अध्यक्ष बाशुदेव जाेशीले जानकारी दिनुभयाे ।
सहभागी हुने टाेलीलाई दुई समूहमा विभाजन गरिएको छ।
समूह ए मा कैलाली,डाेटी, बैतडी र बझाङ रहेका छन्। समूह बी मा कञ्चनपुर,दार्चुला र अछामलाई राखिएको छ।
प्रतियोगिताकाे उद्घाटन खेलमा माघ २९ गते कैलाली र डाेटी,साेही दिन हुने अर्काे खेलमा अछाम र दार्चुला तथा बैतडी र बझाङ खेल्नेछन् ।
माघ ३० गते हुने पहिलाे खेलमा कञ्चनपुरले र अछाम तथा दार्चुलामध्ये विजयीसंग भिड्नेछ।
माघ ३० गते नै हुने दाेस्राे खेलमा बैतडी र बझाङकाे विजेता तथा कैलाली र डाेटीमध्ये विजेता भिड्नेछन् ।
साेहि दिन हुने फाइनलमा समूह ए र समूह बी काे विजेता भिड्नेछन् ।
प्रतियोगिताका खेलहरू १५ ओभरका हुने जनाएको छ।
प्रदेशस्तरीय छनाैटबाट राष्ट्रिय प्रतियोगिताका लागि खेलाडी छानिनेछन्।
दशौं राष्ट्रिय खेलकुद प्रतियोगिता चैत २३ देखि ३० गतेसम्म कर्णाली प्रदेशको सुर्खेतमा हुने तय भएको छ।
